Tann 21. maj fylti Pippi Smokkuleggur 75 ár. Henda raska gentan, sum megnaði tað mesta, hevði fulla nanvið Pippilotta Viktualia Rullgardina Krusemynta Efraimsdotter Långstrump.
Kendari er hon tó sum Pippi Langstrømpe, ella Smokkuleggur.
Í veruleikanum var tað dóttir høvundin Astrid Lindgren, ið fann uppá stuttliga navnið, og sum bað mammu sína siga søgur um Pippi. Á 10 ára føðingardegi sínum, 21. maj 1945, fekk dótturin hondskrivaðu søgurnar í føðingardagsgávu. Sama ár kom bókin um Pippi út.
