Nýføðingurin í bilinum, sum var partur av ferðsluóhappi við rundkoyringina við Kollafjørð seinnapartin í dag, hevur helst ikki fingið skaða. Sum vit á Portalinum skrivaðu um í dag, hendi eitt ferðsluóhapp um fýratíðina seinnapartin við rundkoyringina í Kollfjarðadali.
Tá visti løgreglan ikki, hvussu statt var við pinkubarninum, sum varð sent á Landssjúkrahúsið.
Í kvøld verður sagt av politistøðini, at mamman og barnið eru kannað, og at tey eftir øllum at døma ikki hava fingið álvarsligan skaða.
Tað vóru tveir persónbilar, sum rendu saman við rundkoyringina. Ein tilkomin kvinna koyrdi í øðrum bilinum, meðan unga mamman koyrdi í hinum bilinum, har hon eisini hevði lítla nýføðingin við.
Sjúkrabilar og politiið komu á staðið og barnið varð koyrt á Landssjúkrahúsið, har tað framvegis er innlagt.
