Tað segði forkvinnan í SF, Pia Olsen Dyhr, tá hon í dag kom til samráðingar á Marienborg, embætisbústaðin hjá forsætisráðfrúuni.
– Vit eru ikki komin á mál. Men tað lýsnar, segði hon við TV 2 News.
Hetta er fjórði dagurin á rað, at SF, Radikali Vinstri, Moderatarnir og Javnaðarflokkurin samráðast um at skipa nýggja stjórn. Samráðingarnar hava nú vart í meira enn tveir mánaðir.
Eisini politiski leiðarin í Radikala Venstra, Martin Lidegaard, sigur, at nógv er komið upp á pláss, men at síðstu truplu spurningarnir framvegis resta.
– Vit eru komin rættiliga langt við stjórnarskránni, men einki er liðugt, fyrr enn alt er liðugt, segði hann við DR.
Í dag hevði Alternativet eisini samráðingar við virkandi forsætisráðfrúuna og kongaliga kannaran, Mette Frederiksen.
Forkvinnan í Alternativet, Franciska Rosenkilde, legði dent á, at flokkurin ynskir greiðar grønar avleiðingar av eini komandi stjórnarsamgongu.
Hon nevndi millum annað størri átøk fyri veðurlagið og betri hjálp móti strongd, mistrivnaði og óviljaðum skúlafráveru.
Tey fýra flokkarnir, sum væntast at fara í stjórn, hava samanlagt 82 tinglimir. Tí kann tað gerast neyðugt at fáa stuðul frá øðrum flokkum fyri at tryggja meiriluta í Fólkatinginum.
