Altjóða, føroyski fótbóltsdómarin, Petur Reinert dømdi saman við sínum hjálpardómarum, Jan á Líðarenda og Regini Egholm HM-undankappingardystin millum Litava og Lettlandi, sum var spældur í litavaska høvuðsstaðunum, Vilnius.
Talan var um dyst í HM-undankappingarbólki G. Litava vann 2-0. Petur Reinert deildi trý gul kort út, øll til heimaliðið.
Petur Reinert kennir á sær, at tað gekk væl at døma dystin, og hann er fegin um avbjóðingina og upplivingina.
Undir myndini ber til at hoyra eina samrøðu við Petur Reinert, sum var á Rás2 fyri lítlari løtu síðani.
