Forsetin í Peru, José Jeri, fer at senda herin til sunnara markið til Peru orsakað av einum stórum tali av venezuelanskum tilflytarum, sum væntandi fara at leita sær friðskjól frá grannalandinum Chile.
Tað skrivaðu tíðindastovurnar AFP og AP News í dag.
Herurin í Peru fer at styrkja eftirlitið við markið í suðurpartinum av Tacna-landslutinum í 60 dagar, skrivar AFP.
Í forsetavalstríðnum í Chile hevur verið negativt fokus á tilflytarar í landinum.
Forsetavalevnið, José Antonio Kast, sum hoyrir til ytstu høgru, ynskir ein strangari tilflytarapolitikk.
Fríggjadagin heitti hann á umleið 330.000 ódokumenteraðu tilflytararnar í Chile í einum videobroti á sosialu miðlunum um at fara sjálvboðin úr landinum.
Annars eru tey í vanda fyri at verða útvíst, um hann verður valdur.
/Ritzau/
