Leygardagin 4. februar klokkan 14 skipar Føroya Pedagogfelag fyri stórum almennum verkfallstiltaki á Vaglinum í Havn við røðum, tónleiki og øðrum framførslum.
Tað boðar ein fyriskipingarbðólkur hjá felagnum frá.
Í samband við verkfallið, sum hevur rakt alt landið, fara limirnir í felagnum at skipa fyri stórum verkfallstiltaki á Vaglinum leygardagin. Endamálið við tiltakinum er m.a. at varpa ljós á týdningin av pedagogiska arbeiðinum og kunna um, hví felagið hevur valt at fara í verkfall. Fyribils eru hesi komin á skránna:
Røður:
Maud Wang Hansen, forkvinna í Føroya Pedagogfelag
Sjúrður Skaale
Rigmor Dam
Kristina Háfoss
Kjartan Hansen
og onnur
Framførslur:
Jóhan í Kollafirði
Gipsy Train
Rebekka, Maria og Jóhanna
Lisa í Dali
Ragnar Finnsson
Rebekka Petersen
