Føroyski landsliðsmálverjin, Pauli Jacobsen er í harðari kapping við fraklendingin, Ivah Gauthier at verja málið hjá Cherbourg í næstbestu fronsku hondbóltsdeildini.
Pauli Jacobsen vardi í málið mest sum alla tíðina, tá Cherbourg tapti stórt 22-34 fyri Nancy á útivølli. Nancy var á odda 14-8 í steðginum.
Pauli bjargaði 11 av 42 málroyndum, har ímillum einum brotskasti. Tað gav eitt bjargingarprosent uppá 26,19 prosent.
Cherbourg er fjórðaftast í deildini við bert fýra stigum.
Komandi fríggjakvøld spælir Cherbourg móti Villeurbanne á heimavølli. Villeurbanne hevur bert tvey stig, og tí skuldi vónirnar fyri einum heimasigri ikki verið sørar hjá Cherbourg.
