Tvær føroyingauppgerðir vóru á skránni í bestu íslendsku fótbóltsdeildini í kvøld.
Kaj Leo í Bartalsstovu og liðfelagarnir tóku á Akranesi móti Patriki Johannesen og liðfeløgunum í Keflavík. Keflavík vann dystin 2-0 við einum máli í hvørjum hálvleiki. Sambært Morgunblaðnum hevði Patrik Johannesen onkra góða roynd á málið hjá Akranesi. Miðskeiðis í seinna hálvleik fekk Patrik gult kort fyri at fella Kaj Leo.
Akranes 0 - 2 Keflavík
0-1 Dani Hatakka ('12)
0-2 Kian Williams ('67)
Á Kaplakrika leikvøllinum á Hafnarfirði tóku Gunnar Nielsen og liðfelagarnir í FH móti Halli Hansson og liðfeløgunum í KR. Hallur og liðfelagarnir í KR vunnu 3-2 í ein málríkum dysti. Sambært Morgunblaðnum hevði Hallur ein sera góðan stútara, ið rakti stongina hjá FH.
Hallur og liðfelagarnir hava bert trý stig upp til annað plássið, meðan tað eru heili 10 stig upp til fyrsta plássið, har Breiðablik hevur 24 stig fyri átta dystir.
FH 2 - 3 KR
0-1 Kjartan Henry Finnbogason ('7)
0-2 Kjartan Henry Finnbogason ('33)
1-2 Kristinn Freyr Sigurðsson ('36)
1-3 Finnur Orri Margeirsson ('55, sjálvmál)
2-3 Logi Hrafn Róbertsson ('88)
15. juni verður sambært leikskránni aftur føroyingauppgerð tá KR tekur móti Akranesi í Reykjavík. Dagin eftir tekur FH móti Leiknum, og Keflavík tekur móti Stjørnuni á heimavølli.
Støðan:
| Nr. | Lið: | Dystir | V | J | T | Málmunur | Stig |
| 1 | Breiðablik | 8 | 8 | 0 | 0 | 25:8 | 24 |
| 2 | Stjarnan | 8 | 5 | 2 | 1 | 17:10 | 17 |
| 3 | KA | 8 | 5 | 1 | 2 | 12:6 | 16 |
| 4 | Víkingur R. | 9 | 5 | 1 | 3 | 19:16 | 16 |
| 5 | KR | 8 | 4 | 2 | 2 | 12:8 | 14 |
| 6 | Valur | 8 | 4 | 1 | 3 | 14:11 | 13 |
| 7 | Keflavík | 9 | 3 | 1 | 5 | 14:17 | 10 |
| 8 | Fram | 8 | 2 | 2 | 4 | 14:21 | 8 |
| 9 | FH | 8 | 2 | 1 | 5 | 12:15 | 7 |
| 10 | Akranes | 8 | 1 | 3 | 4 | 7:17 | 6 |
| 11 | ÍBV | 8 | 0 | 3 | 5 | 6:14 | 3 |
| 12 | Leiknir | 8 | 0 | 3 | 5 | 4:13 | 3 |
