Patrik Johannesen situr í løtuni uttanfyri við skaða í knænum. Føroyski landsliðsáleyparin í Florø fekk eina harða takling, sum møguliga hevur forstrekt ella partvís slitið liðbandið í knænum.
- Læknarnir vita ikki hvussu álvarsamt tað er, og hvussu er við meniskinum. Eg havi verið í skannaranum og nú bíði eg eftir svari, sigur Patrik Johannesen.
Tvøramaðurin í næstbestu deildini í Noreg spældi í steypakappingini móti Fjøra, tá ein verjuspælari tveitti seg í eina takling.
- Eg knallaði til og tað brakaði í knænum. Eg spældi í 60 minuttir aftaná. Síðani havi eg verið hjá hjálparfólkunum her og nú til skanning eisini, sigur Patrik Johannesen.
Landsliðsáleyparin væntar at fáa nærri boð mánadagin.
