Føroyski landsliðsáleyparin, Patrik Johannesen var 88 minuttir á vøllinum, tá hann og liðfelagarnir í Keflavík tapti 1-3 fyri KA á heimavølli.
Keflavík fekk eina gylta byrjan tá bert átta minuttir vóru leiktir á vøllinum, tá Adam Árni Róbertsson legði teir á odda 1-0. Bert tríggjar minuttir seinni fekk Sindri Kristinn Ólafsson tað reyða kortið, og so mátti Patrik og liðfelagarnir stríðast 10 móti 11 restina av dystinum.
Stutt áðrenn KA javnaði til 1-1 í 75. minutti hevði Patrik tveir málmøguleikar at økja til 2-0, og beint aftaná KA hevði javnað hevði Patrik ein dupultan málmøguleika at leggja Keflavík á odda 2-1, men hann tók tíverri ikki av. Í tíðini dómarin hevði lagt aftrat skoraði KA tvey mál.
Keflavík 1 - 3 KA
1-0 Adam Árni Róbertsson ('8)
1-1 Rodrigo Gomes Mateo ('75)
1-2 Jakob Snær Árnason ('93)
1-3 Nökkvi Þeyr Þórisson ('94)
Keflavík er nummar seks í bestu íslendsku fótbóltsdeildini við 17 stigum.
Komandi leygardag spælir Keflavík á útivølli móti ÍBV.
