Patrik Johannesen og liðfelagarnir í Breiðabliki vunnu farna vikuskiftið ein frálíkan 2-0 sigur á Vali á útivølli. Sigurin gagnaðist eyka væl aftaná, at Breiðablik heilkiksaði í dystinum móti HK á heimavølli í fyrsta umfarinum, har teir taptu 3-4.
Hóast kærkomna sigurin, so er eftirsmakkurin hjá Patriki Johannesen kortini heldur beiskur aftaná dystin.
Á Twitter-konto síni finst Patrik harðliga at dómaranum í dystinum, Vilhjálmur Alvar Þórarinssyni fyri ikki at vísa verjuleikaran hjá Vali, Aron Jóhannsson av vøllinum fyri ov harðligt spæl.
Á Twitter leggur Patrik eitt videobrot, har hann fær ein alboga frá Aron Jóhannssyni, ið Vilhjálmur Alvar Þórarinsson bert metti átti at givið gult kort, og tað undrar Patrik stórliga. Patrik skrivar omanfyri viðlagda videobrotið: - Tað vera nógvir albogar hetta kappingarárið um hetta bara gevur gult kort.
HER sæst videbrotið og útsøgnin hjá Patriki á Twitter.
Patrik Johannesen var við frá byrjan, og hann fekk 63 minuttir á vøllinum í dystinum móti Vali.
Patrik kom til onkran málmøguleika, men hevur enn fyrsta landskappingarmálið fyri Breiðablik til góðar.
