Eyðun Klakstein landsliðsvenjari hevur í dag sent boð eftir 23 spælarum at vera við, tá ið landsliðið leygardagin 28. mars fer at spæla vinadyst í San Marino. At Føroyar fara til San Marino at spæla kemst av, at tveir báðir dystirnir í Dubai eru avlýstir orsakað av spentu støðuni í Miðeystri.
Nýggjur maður á liðnum sammett við teir, sum vóru við í heyst, er Patrik Johannesen. Hann var ikki við í heyst, tí hann var skaddur. Fimm spælarar, sum hava verið nógv á landsliðnum, eru ikki tøkir hesa ferð. Teir eru Odmar Færø, René Shaki Joensen, Brandur H. Olsen, Meinhard E. Olsen og Jóan Símun Edmundsson. Og so er Hallur Hansson, sum plagar at vera liðformaður, ikki tøkur.
-Felags fyri hesar er, at teir eru skaddir og harvið ikki tøkir. Tað eru altíð spælarar, sum ikki eru tøkir. Soleiðis var tað eisini í fjør, og n+u kemur tað okkum til góða, at vit brúktu allan hópin, og tá var talan um eitt tað besta avrikið yvirhøvur, sigur Eyðun Klakstein.
Málverjar
Mattias Heðinsson Lamhauge
Bárður á Reynatrøð
Bjarti Vitalis Mørk
Verjuspælarar
Andrias Edmundsson
Gunnar Vatnhamar
Samuel Chukwudi Johansen
Arnbjørn Svensson
Viljormur Davidsen
Ási P. Dam
Jóannes Kalsø Danielsen
Jann Julin Benjaminsen
Miðvallarspælarar
Jákup Biskopstø Andreasen
Géza David Turi
Noah Mnenéy
Jóannes Bjartalíð
Árni Frederiksberg
Poul Kallsberg
Hanus Sørensen
Adrian Justinussen
Álopsspælarar
Páll A. Klettskarð
Petur Knudsen
Patrik Johannesen
