Í dag hava trý skip landað í Vestmanna og á Sandi. Eysturbúgvin landar góð 100.000 pund á Sandi í dag og Vesturbúgvin, sum hann partrolar saman við, landar eini 160.000 pund í Vestmanna.
Arbeitt hevur verið á virkinum í Skopun mánadagin, týsdagin og í dag, og væntandi fær virkið fisk úr Sørvági aftur mánadagin.
Ísfiskatrolarin Grønanes landar eisini í Vestmanna í dag. Teir hava umleið 80.000 pund.
Øll veiðan hjá partrolarunum er upsi.
