Býráðið hevur sum kunnugt tikið burtur fleiri parkeringspláss í miðbýnum seinastu tíðina, og nú býráðið hevur selt parkeringsplássið í Tórsgøtu til Tryggingarfelagið Føroyar at byggja hotel á, so hvørva enn fleiri parkeringspláss.
- Parkeringsplássini mugu víkja. Vit hava nógv onnur parkeringspláss at vísa á. Vit skulu ikki hava so nógvar bilar í býnum, vit hava eina fína ókeypis bussleið, so tað er ikki neyðugt við øllum bilunum, segði Heðin Mortensen við útvarpið.
Men góði borgarstjóri:
Hatta er ikki gott nokk. Stórur tørvur er á parkeringsplássum í miðbýnum, eisini stutttíðarparkeringsplássum. Tað handilslív, sum enn livir í miðbýnum, klárar seg ikki uttan parkeringspláss. Tak til dømis SMS, man tað bara vera til stuttleika, at SMS hevur bygt landsins størsta innandura parkeringspláss?
Tað er gott, at býráðið nørir um mentanina í Miðbýnum, og bæriliga ætlanin hjá Tryggingarfelagnum Føroyar at byggja út Hotel Tórshavn er heilt víst áhugaverd, men borgarstjórin má vísa ein betri vilja mótvegis bilferðslu í miðbýnumm.
