Tað skrivar fyrireikararnir av festivalinum Voxbotn í morgun.
Teir vísa á, at seinastu 10 árini hava Páll Finnur Páll ferð eftir ferð savnað tjóðina við sínum vælsvingandi og provokerandi sangum.
– Við hittum sum Forelskaður Sjónleikari, Herbergið, Eg, Fari mín Egna Veg, Mín Russiski Vinur, Grannin og mangt annað hava menninir í Páll Finnur Páll tikið Føroyar á bóli og savnað tjóðina óteljandi ferðir. Umframt eina ørgrynnu av hittum, eru Páll Finnur Páll eisini at meta sum besti live bólkurin í Føroyum, og hvørja ferð teir trína á ein pall, kunnu áskoðararnir vænta eitt brak av einari framførslu, skriva fyrireikararnir, og leggja afturat:
– Tað er eingin ivi um, at Páll Finnur Páll fara at geva øllum Voxbotn fjepparum eina festliga, fríska og freka løtu 29. juni, tá ið teir byrja sína summarrundferð í ár í Voxbotni.
