Í gjár helt Kaj Leo Holm Johannesen røðu á ráðstevnuni Arctic Circle, og nógv oyru vóru at líða á.
Ráðstevnan varð sett at verða hildin í Harpuni – stóra mentanarhúsinum í Reykjavík – men undirtøkan fyri ráðstevnuni var so stór, at fyrireikararnir máttu leiga onnur høli í Reykjavík afturat Harpuni.
Fleiri enn túsund fólk úr 40 londum teknaðu til ráðstevnuna, og tað var á markinum fyri, hvat ráðstevnan megnaði at hýsa.
- Kanska skulu vit avmarka innbjóðingarnar til ráðstevnuna næsta ár, tí hendan undirtøkan hevur givið okkum stórar avbjóðingar at skipa ráðstevnuna á nøktandi hátt, sigur Kuupik Kleist, sum er nevndarlimur í felagsskapinum Arctic Cricle, við Sermitsiaq.
Tað eru sera mótstríðandi áhugamál í Arktis, og tað er ivaleyst við til at økja um áhugan fyri ráðstevnuni.
- Granskarar og handilsfólk hittast og tosa saman, og tað kann tykjast eitt sindur anarkistiskt, men í evsta enda snýr hendan ráðstevnan seg um at skapa fyrimunur fyri arktiska økið, sigur Kuupik Kleist.
