Um bilførarin hevur drukkið alkohol, startar bilurin ikki. Saab í Trollhättan, ið hava royndarkoyrt skipanina, eru ikki serliga væl nøgdir. Teir siga, at tað er alt ov lætt at snýta
Eitt vápn í stríðinum móti rúsdrekkakoyring eru tey sokallaðu alkolásini, har ein sensorur í bilinum registrerar luktin av rúsdrekka og aktiverar eina startsperru. Um lukturin kemur frá einum av teimum ferðandi í bilinum, kann førarin, um hann ikki hevur drukkið, blása í slanguna, so bilurin startar.
Saab ikki nøgdir
Saab í Trollhättan hava fleiri royndarbilar koyrandi fyri at vita, um hendan skipan er nóð góð at seta í teirra bilar. Men teir eru ikki serliga væl nøgdir við úrslitið, tí um førarin hevur drukkið, kann hann fáa ein edrúan persón at blása í slanguna. Tá bilurin er farin í gongd, kunnu teir býta um pláss.
