Leygardagin klokkan 17 spæla B68 og HB finaluna um løgmanssteypið á Tórsvølli.
Í landskappingini hevur HB vunnið tveir dystir, meðan triði og seinasti dysturin endaði við einum málríkum 3-3 javnleiki.
Steypafinaluroyndirnar hjá HB og B68 eru sum dagur og nátt.
Hetta er bert onnur steypafinalan hjá B68, meðan tað er steypafinala nummar 42 hjá HB.
HB hevur higartil í søguni vunnið 28 av 41 steypafinalum.
B68 tapti einastu finaluna teir vóru í fyri 28 árum síðani.
16. august í 1995 vann HB 3-1 á B68. Rúni Nolsøe og Andreas F. Hansen skoraðu í fyrra hálvleiki fyri HB, og tá eitt lítið korter var eftir av dystinum økti Eyðun Samuelsen til 3-0. Aksel Højgaard minkaði um munin til 3-1.
(Kelda: FaroeSoccer)
HER sæst eitt yvirlit frá Wikipedia yvir hvussu ofta tey ymisku liðini hava verið nummar eitt og tvey í steypakappingini:
##med2##
