Trý línuskip eru undir Íslandi, og tvey eru undir Føroyum. Eitt línuskip er á veg yvir á Flemish Kap, og in.fo hevur skilt, at hetta er Váðasteinur.
- Línuskipini undir Íslandi fáa mest av toski, blálongu, brosmu og so nakað av longu, svartkalva og hýsu.
Á Fiskamarknaði Føroya vænta tey eitt línuskip undan Íslandi mánadagin, og kanska kemur eitt skip aftrat seinni í vikuni.
- Línuskipini undir Føroyum fiska mest longu, brosmu, tosk, svartkalva og blálongu, og møguliga landar annað av hesum skipum seinnapartin av næstu viku, sigur marknaðurin.
