Onglendingar kunnu ganga bringubrattir í kvøld, tí øll tey fýra ensku liðini í Champions League, Arsenal, Chelsea, Manchester United og Liverpool eru komin í fjórðingsfinalurnar. Tvey sponsk lið eru víðari, nevnliga Barcelona og Villareal. Víðari eru eisini FC Porto úr Portugal og Bayern München úr Týsklandi.
Arsenal kom víðari aftaná tógvið stríð. Roma legði seg á odda 1-0 tíðliga í dystinum, og tann støðan helt sær til 90 minuttir vóru spældir. Av tí, at fyrri dysturin á Emirates Leikvøllinum í London endaði 1-0 til Arsenal, máttu liðini út í longda leiktíð. 16 brotsspørk máttu til, áðrenn Arsenal sigraði, og var frøin stór á The Gunnars, tá Diaby setti avgerandi brotssparkið í netið.
Úrslitini í kvøld :
Roma 1-0 (1:0) Arsenal.
1-0 Juan (10.)
(Arsenal vann brotsprarkskappingina 7-6, og samlað 8-7)
Barcelona 5-2 (4:1) Lyon (samlað 6-3)
1-0 Henry (25.)
2-0 Henry (27.)
3-0 Messi (40.)
4-0 Eto´o (43.)
4-1 Makoun (44.)
4-2 Juninho (48.)
5-2 Keita (90.)
FC Porto 0-0 (0:0) Atl.Madrid (samlað 1-1)
Manchester Utd 2-0 (1:0) Inter (samlað 2-0)
1-0 Vidic (4)
2-0 Ronaldo (49.)
