Nýggi kinesiski bilurin Brilliance BS4 fekk onga stjørnu í EuroNCAP krasjtestunum. Hetta hendir eftir at treytirnar fyri at fáa tær nógv virdu stjørnurnar eru munandi herdar eftir 1. januar.
Við einum frontalum stoyti vóru instrumentborð og pedalir kroyst langt inn í kabinuna til stóran vanda fyri bilføraran og síðumannin. Bilurin hevði heldur ikki ESP og alarm til trygdarbeltini, sum eisini gevur stig í EuroNCAP-krasjtestunum
Roknað verður við, at um krasjtestin varð gjørd, áðrenn treytirnar vóru so nógv herdar, hevði Brilliance BS4 helst fingið onkra stjørnu hóast alt.
Týski bilfelagsskapurin ADAC sigur í síni niðurstøðu, at kinesisku bilframleiðararnir vera noyddir at taka seg saman og koma við munandi tryggari bilum, um teir skulu gera seg galdandi á evropeiska marknaðinum.
TRÝST HER fyri at lesa meira á biltíðindum á Portalinum
