Er tað soleiðis, at onkur ikki hevur hug at svara nøkrum sum helst, so hevur peningastovnurin sum so ongar veruligar sanktiónsmøguleikar.
Í hvítvaskilógini stendur í paragraff 13, stk. 2, at um váttan av samleika ikke kan foretages i overensstemmelse med § 12, stk. 1-4, må der ikke etableres et fast kundeforhold, optages forretningsmæssig forbindelse eller udføres transaktioner for kunden. Det skal samtidigt undersøges, om der skal foretages underretning efter § 7.
Hetta vil við øðrum orðum siga, at bankin kann stongja kontuna hjá fólkum, ið ikki koma við upplýsingunum.
Ein onnur avleiðing kann verða at føroysku peningastovnarinir fáa verri lánstreytir frá útlendskum peningastovnum vegna tað, at teir ikki kunnu ávísa, at teir lúka hvítvaskingarlógávuna. Hetta vil, alt annað líka, føra til hægri lánskostna til føroyskar kundar, sigur løgfrøðingur innan bankaheimin. Hann leggur afturat, at hann ikki skilur, hvussu fólk kunnu ræðast hesar spurningar, tí bankin hevur longu nógv meiri umfatandi upplýsingar, enn tað sum verður upplýst í spurnarbløðunum.
