Tað er nú greitt, at uppskotið frá Magna Laksáfoss um at friða bygdir og býir fyri seyð, eigur ongan góðan í Løgtinginum. Hann legði uppskotið fyri Løgtingið fyri einum góðum mánað síðani og nú hevur vinnunevndin hjá Løgtinginum viðgjørt málið.
Men vinnunevndin er samd um at vísa málið frá sær og at mæla Løgtingum frá at samtykkja tað.
Tað er ikki so frægt sum tað, at floksfelagin hjá Magna Laksáfoss í vinnunevndini, Edva Jacobsen, tekur undir við uppskotinum.
Í sambandi við viðgerðina, hevur Jacob Vesterfaard, landsstýrismaður, upplýst, at hann sjálvur fer at leggja uppskot fyri Løgtingið í seinasta lagi í vár um vetrarfriðing, men hann vil gera broytingarnar í samráð við kommunurnar soleiðis, at kommunurnar skulu fáa heimild til at vetrarfriða bygdir.
Hesum tekur ein samd vinnunevnd undir við og mælir tessvegna Løgtinginum frá at samtykkja uppskotið.
