Hvørki Javnaðarflokkurin ella Sambandsflokkurin ynskja at gera viðmerkingar til tað, sum fram er komið úr Hvítubók enn, siga Edmund Joensen og Jóannes Eidesgaard í tíðindaskrivi fríggjadagin:
? Í virðing fyri tí avgerð, sum skal takast um ríkisrættarligu støðu Føroya, men eisini í virðing fyri tí arbeiðið, sum er lagt í Hvítubók, vildi tað verið skeivt longu nú at farið út við viðmerkingum, tá tingbólkarnir hjá andstøðuni ikki hava lisið bókina. siga teir báðir.
Tingbólkarnir hjá Sambands- og Javnaðarflokkinum hava tikið ta avgerð, at ongar viðmerkingar verða gjørdar fyrr enn báðir tingbólkarnir væl og virðiliga hava lisið Hvítubók.
? Eisini hava báðir tingbólkarnir hvør í sínum lagi tikið ta avgerð, at bókin verður latin fakliga kønum fólki til viðmerkingar, áðrenn nøkur politisk viðmerking verður gjørd, siga Edmund Joensen og Jóannes Eidesgaard.
