Dreingjabólkurin, One Direction, ið er mannaður av ungum dreingjum úr Onglandi og Írlandi, er fyrsti bretski bólkurin, sum hevur megnað at byrja karrieruna við at rúka beinleiðis á eitt fyrstapláss á amerikanska fløguhittlistanum.
Ungu harrarnir í One Direction, hava hesa vikuna klárað tað, sum eingin annar bólkur í Onglandi hevur gjørt. Við sanginum Upp All Night er bólkurin komin beinleiðis inn á fyrstaplássið á The Billboard 200, sum er viðurkendi hitlistin í Amerika. Sjálvt ikki The Beatles kláraðu at gera tað bragdið, sum fýrarnir í One Direction, ið allir eru millum 18 og 20 ára gamlir, nú hava gjørt.
Teir fimm limirnir í bólkinum luttóku í bretsku útgávuni av X-Factor í 2010, har teir endaðu á einum triðjaplássi.
