Sävehof gjørdist í kvøld fyrsta liðið hetta kappingarárið at sigra á oddaliðnum í bestu svensku hondbóltsdeildini. Kristianstad.
Hetta hendi tá Sävehof á útivølli vann málríkan dyst 37-33 á Kristianstad. Í steðginum var Sävehof á odda 19-17.
Óli Mittún gjørdist saman við Sebastian Karlsson, Sebastian Spante og Felix Møller toppskjútti hjá Sävehof við sjey málum.
Sävehof er nú nummar tvey í deildini við 26 stigum, bert tvey stig aftanfyri Kristianstad, sum nú er fremst við 28 stigum.
Annan jóladag tekur Sävehof móti Ystad á heimavølli í Partille. Seinasta umfarið undan landsliðssteðginum verður 29. desember.
