Fyrsta septembur byrjaði Olgar S. Skorastein í starvi sum tekniskur málsviðgeri, har hann kemur at arbeiða við nógvum fjølbroyttum uppgávum á deildini, skrivar Vágs kommuna á vagur.fo.
Olgar er 52 ára gamal og útbúgvin byggifrøðingur. Síðan 2011 hevur hann starvast sum sjálvstøðugur vinnurekandi við egnar fyritøku í Vági.
Olgar hevur nógvar og viðkomandi royndir og síggja vit fram til, at hann byrjar í starvinum, sigur Jákup Olsen, tekniskur leiðari hjá Vágs kommunu.
