Tað er ikki vist, at tað verður við Ole Gunnar Solskjær sum venjara, at Sonni Ragnar Nattestad skal byrja sína tíð sum spælari í norska felagnum Molde. Norra vil hava fyrrverandi Manchester United framherjan sum landsliðsvenjara.
Les eisini: Solskjær keypti Sonna
Norskur landsliðsfótbóltur stendur seg illa í løtuni. Millum annað eru norðmenn at finna aftanfyri okkum á FIFA styrkilistanum. Tað kostaði landsliðsvenjaranum starvið. Nú vil norska fótbóltssambandið hava, at Ole Gunnar Solskjær skal leiða norska landsliðið.
Les eisini: Solskjær lovar Sonna spælitíð
Helst kemur hetta illa við í Molde, sum í tveimum førum hevur notið gott av venjaraevnunum hjá Ole Gunnar Solskjær. Navnframi venjarin var eisini ein av orsøkunum, at føroyski landsliðsmiðverjin valdi at skifta til júst Molde.
Les eisini: Solskjær: Sonni styrkir liðið frá fyrsta bríksli
Eigarin í Molde hevur váttað fyri norskum miðlum, at Ole Gunnar Solskjær hevur fingið ein fyrispurning frá norska fótbóltssambandinum, og nú umhugsar støðuna. So er spurningurin hvat fyri ávirkan tað fær á støðuna hjá Sonna Ragnar Nattestad í felagnum, um Ole Gunnar Solskjær tekur av.
