Tíðindaskriv:
Róðrarfelagið Knørrur stovnað felag til at menna tiltakið, so at tjóðarítrótturin gerst ein høvuðsattraktión fyri alla familjuna á ólavsøku.
Í hesum sambandi skriva róðrarfeløgini út almenna kapping um at finna kappróðrartiltakinum eitt navn og eitt búmerki. Tey fara at verða nýtt til at marknaðarføra tiltakið og verða væntandi ein kendur partur av ólavsøkuni í rúma framtíð.
Búmerkið skal millum annað samljóða við hin føroyska bátin ella hin føroyska kappróðurin, eins og tað skal innihalda litirnar hjá fyriskipandi róðrarfeløgunum: reytt, blátt og hvítt.
Uppskotsstillarar kunnu vera bæði einstaklingar og bólkar. Vinnarin fær virðisløn fyri sítt uppskot.
Les meira á heimasíðuni hjá Róðrarfelagnum Knørri: www.knorrur.fo/navna-og-bumerkjakapping/
