Í dag hava OL-leikir verið í Barnagarðinum á Svangaskarði, og nú klokkan 16 eru foreldur at børnum og systkin boðin við.
- Allar stovurnar á stovninum umboðaðu hvør sín heimspart og skuldu síðan velja eitt land úr tí heimsparti, sum teimum varð givið.
Londini, sum vórðu vald, vóru Avstralia, Brasilia, Kina, Grikkaland og Namibia.
- Vit byrjaðu OL-leikirnar við at masjera inn á miðjuna á fótbóltsvøllinum. Síðan høvdu vit eina upphiting og fóru út í ymiskar rørslupostar at kappast.
Aftaná fingu børnini hvør sína gullmedalju og okkurt lætt at eta.
- Klokkan 16 í dag eru foreldur og systkin boðin niðan á Svangaskarð til eina ítróttar- og hugnaløtu, har vit fara at bjóða kakao og bollar, siga tey í Barnagarðinum á Svangaskarði.
