Bjarki Hansen er av navnframari tónleikarafamilju í Føroyum. Hann er sonur gittarúrmælingin Hans Karl Hansen, sála, og systkini eru Guðrið Hansdóttir og Fróði Hansen, ið bæði eru tónleikarar.
Bjarki hevur higartil sungið sangir, sum onnur hava skrivað, men við Ørskapinum er øðrvísi. Bjarki hevur sjálvur gjørt lagið til henda sangin og tað er Hans Jacob Kollslíð, sum hevur skrivað tekstin.
Hjalti Joensen, gittaristur og ein drívmegi í rokkbólkinum Moirae, hevur havt ein stóran leiklut í skapanini av Ørskapinum. Hjalti hevur, saman við Hans Jacob Kollslíð og Bjarka Hansen, útsett sangin og tikið meginpartin av honum upp. Afturat teimum trimum hoyrast eisini Jóhan Petur Andreasen (orgul), Óli Poulsen (bass) og James Olsen (trummur) á staklagnum. Tað er Óli Poulsen, sum hevur ljóðblandað og mastrað lagið. Hjalti Joensen hevur framleitt.
Ørskapur
Bjarki Hansen: sang og kór
Hjalti Joensen: gittarar
Hans Jacob Kollslíð: gittar
Jóhan Petur Andreasen: Hammond orgul
Óli Poulsen: bass og ljóðeffektir
James Olsen: trummur
Tikið upp hava: Hjalti Joensen, Hans Marius Weihe Ziska og Óli Poulsen
Framleitt hevur: Hjalti Joensen
Ljóðblandað hevur: Óli Poulsen
Mastrað hevur: Óli Poulsen
Orð: Hans Jacob Kollslíð
Lag: Bjarki Hansen
