- Øll ísfiskalínuskipini liggja við bryggju, men fara út aftur, tá veðrið verður betri.
Tað vita tey á Fiskamarknaði Føroya at siga.
Væntandi er, at okkurt línuskip fer til Íslands, men tey flestu fara undir Føroyar at fiska.
- Línuskipini, sum frysta umborð, eru øll til fiskiskap, eitt eru í Grønland, eitt í Íslandi og eitt fiskar undir Føroyum.
Um útróður, veit Fiskamarknaður Føroya at siga, at streymurin verður hampiligur, men veðrið verður ikki av tí besta.
- So, vit rokna ikki við nógvum útróðri teir næstu dagarnar, siga tey á Fiskamarknaði Føroya.
