Evropeiski samstarvs- og trygdarfelagsskapurin OECD hevur góðar vónir um, at Spania fer at fóta sær búskaparliga, soleiðis at landið sleppur burtur úr kreppuni, sum tað nú er í.
OECD leggur tó afturat, at spaniumenn mugu dragast við umfatandi tiltøk fyri venda búskapargongdini, og felagsskapurin rósar stjórnini í Madrid fyri at hava tikið týðandi stig tann rætta vegin. Enn eru fleiri broytingar eftirat fremja - eitt nú á arbeiðsmarknaðinum, sigur OECD.
Spania hevur leingi havt trupulleikar við búskapinum, men í triðja ársfjórðingi í ár vístu hagtølini vøkstur. Men tað er langt á mál. Arbeiðsloysið liggur um 20 prosent, og tað fer at taka langa tíð at fáa tað niðuraftur, sigur OECD.
