Fleiri dystir hava verið spældir í ensku Premier League í dag.
Undan umfarinum hava tey bæði Manchester-liðini – Manchester United og Manchester City ligið á odda í deildini lið um lið við somu stigum og somu málúrtøku.
Men eftir umfari í dag er greitt, at Manchester City nú er eitt vet betur enn Manchester United á stigatalvuni. Hóast bæði liðini vunnu sínar dystir, var málmunurin hjá Manchester City í sínum sigri betur enn hjá Manchester United. Manchester City vann 5-0 á heimavølli móti botnliðnum Crystal Palace, meðan Manchester United vann ein tepran 1-0 sigur á útivølli móti Southampton.
Romelu Lukaku var sigursharri fyri Manchester United, tá hann við málið í fyrra hálvleiki skoraði til 1-0 fyri Manchester United. Hann hevur nú skotið átta mál teir átta dystirnar sum hann hevur spælt fyri Manchester United, eftir at felagið í summar keypti hann úr Everton.
Verandi meistararnir úr Chelsea avrikaðu sannførandi í sínum dysti. Í trupla útidystinum móti Stoke, vann Chelsea ikki færri enn 4-0, har teirra nýggi áleypari, Alvaro Morata, skoraði trý av málunum.
Í øðrum uppgerðum fekk Everton ein harðliga tiltrongdan sigur á heimavølli móti Bournemouth, meðan Watford vann 2-1 í yvirtíðini móti Swansea á útivølli.
Úrslitini í Premier League:
West Ham – Tottenham 2-3
Burnley – Huddersfield 0-0
Everton – Bournemouth 2-1
Manchester City – Crystal Palace 5-0
Southampton – Manchester United 0-1
Stoke – Chelsea 0-4
Swansea – Watford 1-2
