ODDAGREIN: Vísið tað nú í verki

Kjakið um at privatisera restina av At­lants­flog, ella um land­ið skal keypa selda trið­ing­in aft­ur ber boð um eina ó­búna pol­it­iska skip­an, sum ikki megn­ar at halda eina pol­it­iska stevnu. Ella vit kunnu siga, at hetta lýs­ir so væl okk­ara pol­it­isku skip­an, har mál ikki verða við­gjørd pro­fess­i­ón­elt, men har onn­ur a­t­lit al­tíð viga tyngri enn tann setta pol­it­iska og sam­fel­ags­liga stevn­an. Tí er tað so ringt at reka vinnu í Før­oy­um, tí tað er ikki skil­vísi, sum verð­ur sett í há­sæti í politisku skipanini.

Sum vit hava sagt fyrr, so er tað at taka í so rív­an til bein­leið­is at skatt­a­fíggja flog­ferð­ir. Á­huga­vert var at hoyra Jan­us Rein, sum bæði er flog­skip­ari og løg­tings­mað­­ur, greiða frá, hvussu tað al­menna stuðl­ar flog­ferð­um til út­jað­ar­an í eitt nú Nor­eg, Skot­­landi og Span­­ia. Og hó­ast hann legði dent á, at hann ikki meinti, at før­oyski skatt­gjald­ar­in skal fíggja flog­ferð­ir til og úr Før­oy­um, so tulk­aðu hini bæði ting­fólk­ini orð hans­ara øðr­vísi: At hann vildi hava skatt­gjald­ar­an at fíggja flog­ferða­seðl­ar­nar. Hetta lýs­ir væl ar­beiðs­l­ag­ið hjá politikarum...

Men semja tykist valda um, at Vága Flog­havn ikki skal fíggjast av ferð­a­fólki. Okk­urt bendir eisini á, at nevnd­in í Vága Floghavn eis­ini hev­ur hesi sjón­ar­mið, tí hon hev­ur júst sett ein nýggj­an stjóra í fel­ag­num, sum er ein hin heit­asti tals­mað­ur­in fyri at taka av øll gjøld­ini frá Vága Flog­havn, sum tyngja flog­ferða­seðl­ar­nar. Ják­up Sverri Kass, markn­að­ar­stjóri hjá At­lants­flog og for­mað­ur í Ferða­v­inn­u­fel­ag­num slepp­ur nú at vísa í verki, hvussu Vága Flog­havn kann saðla um í so máta. Ein spenn­andi upp­gáva, sum vón­andi ikki drukn­ar av pol­it­isk­ari toku­talu.

Men vandin er avgjørt til staðar, at pol­it­iska skip­an­in ikki fær tik­ið seg sam­an til at gera Vága Flog­havn til eina havn, sum verð­­ur rikin eins og all­ar aðr­­ar havn­ir, uttan tyngjandi gjøld til ferð­a­fólk­ið. Men tað er í lagi, at vit nú geva kapp­ing­ini ein kjans at lækka prísirnar. Ann­ars er upp­gáv­an stór, men hetta hevur so stóran týdn­ing fyri samfelagið alt, at fólk­ið hevur krav upp á, at poli­tik­ar­ar­nir nú handla heldur enn at tosa.