ODDAGREIN: Tíðin búgvin at flyta seg

Men tann størsti taparin av øll­um er Tjóðveldi, sum var tann flokk­ur­­in, sum misti fólka­tings­sess­in, sum flokk­ur­in hev­ur havt í 10 ár. Hetta er seinna skeið­ið, flokk­ur­in hev­ur havt um­­boð á Fólk­a­tingi, ta fyrra var val­­skeið­ini 1973-75 og 1975-1977, tá Er­lend­ur Pat­ur­s­son um­boð­aði flokk­in.
Høgni Hoydal segði í Degi og Viku mán­a­kvøld­i­ð, at flokk­ur­in hev­ur mist upp á sam­­star­­v­ið, sum flokk­ur­in hev­u­r havt við minn­i­lut­a­­sam­gong­una. Tað er møg­u­ligt, at ein orsøk til tapið kann til­skriv­ast hes­um sam­starvi. Men helst er tann frá­greið­ing­in ov einføld.
Flokkurin hevur ein trupulleika. Hann stend­ur eins­a­mall­ur við full­veld­is­ætl­anini, sum eing­in ann­ar trýr upp á longur. Í átt­a­ti og kanska ser­liga í ní­ti­ár­u­num var Tjóð­veld­is­flokk­ur­in í somu støðu. Hann helt fast við gomlu stevn­una um loys­ing. Men í praksis helt hetta ikki – og tað tykt­iskt, sum fólk í flokk­i­num ikki sjálvi trúðu upp á loys­ing­ina. Til Høgni Hoydal kom sum floks­ins frels­ari í 1998 og tosaði um »skip­aða loys­ing«, sum nú var loys­un­ar­orð­ið. Hetta broytt­ist eft­ir val­ið til »full­veldi«, sum síð­ani varð grund­­a­r­­lag­­ið und­ir sam­starv­i­num mill­um Fólk­a­flokk­in, Tjóð­veld­is­flokk­in­, Sjálv­­stýr­is­flokk­in og Mið­flokkin.
Eingin av hesum flokkum tek­ur long­ur orð­ið upp á tungu. Full­veld­is­ætl­anin tyk­ist líða somu lagnu, sum »loys­ing­in«. Ætlanin verður tos­að burt­ur í einki.
Hetta er ein trupulleiki hjá Tjóð­veld­i­num, og ikki minst hjá Høgna Hoy­dal. Á onkr­a­n hátt má saðl­ast um, tí flokk­ur­in miss­ir tak­ið á velj­ar­u­num, sam­stund­is sum velj­ar­a­r­nir missa á­lit­ið á flokkinum.
Fólkaflokkurin hevur ein øðrvísi trup­ul­leika, tí Annika Olsen tekur óiva við, tá Jørgen Niclasen sleppur. Í Gamla Sjálv­stýr­i­num er onk­ur, sum kann savna leivd­ir­nar eft­ir Kára á Rógvi. Stóri spurn­ing­ur­in er, hvussu verð­ur í Tjóð­veld­i­num – ella um nak­ar er, sum kann taka við eft­ir Høgna Hoydal – ella um Høgni Hoy­dal fer víð­ari í oyðimarkargongdini.
Høgni Hoydal vísti í Degi og Viku mán­a­kvøld­ið á, hvussu neyð­ugt tað er, at mál »ikki verða skrumbl­að nið­ur yv­i­r høvd­ið á fólki«. Soleiðis er eisini við stjórnarmálinum, har Tjóð­veldi hevur gyrt seg í brøkur.
Breiða semjan kann ikki byggja á full­veldi, sum bara 19 prosent taka und­ir við. Tí mugu Tjóðveldi og Høgni Hoydal flyta seg – skulu tey fram­hald­andi verð­a tikin fyri fult.