ODDAGREIN: Eik fær bestu leiðslu

Súni Sc­h­wartz Jacobsen var tann mest upp­lagdi, men tað kundi eisini hent, at nýggju eig­ar­a­rnir valdu at fara utt­anlands at leita. Men hvat kann vera betur enn at finna ein per­són, sum kennir alt til føroysk við­ur­skifti og føroyskan búskap, og sum kennir kapp­ingarneytan so væl og virðiliga.
Í síðstu viku bórust tíðindi um upp­sagn­ir í Eik. Tað hev­ur ver­ið – og er fram­veg­is vænt­andi, at ein ver­u­lig upp­rudd­ing skuldi fara fram. Onk­ur hevur ábyrgdina av, at nakr­ar mill­iard­ir eru farn­ar fyri skeyti. Van­ligir før­oy­ing­ar hava mist nógv­an parta­pen­ing, og hó­ast bank­ar mæltu frá, so hava fleiri starvs­fólk lænt nógvar pengar at keypa part­a­pening í Eik fyri.
Men upp­ruddingin í síðstu viku hevði lítið við upp­rudd­ing at gera. Nakr­ar kass­a­dam­ur fingu fót­in, tvær deild­ir skulu nið­ur­leggj­ast, með­an aðr­ar skerja upp­lat­ing­ar­tíð­ir­nar.
Fyrrverandi bankastjórarnir vórðu send­ir til hús við nøkr­um mill­i­ón­um í lumm­anum – og nú fóru so nøk­ur fólk á gólv­i­num sama veg, men bara ikki við fleiri árs­inn­tøk­um.
Við Súna Schwartz Jacobsen fær Eik Banki uttan iva eina góða leiðslu. Hann er kendur fyri at vera gløgg­ur sum fáur og at vera ein tann dugn­a­lig­asti grann­skoð­ar­in í land­inum. At hann nú sum tann ein­asti – við undantaki av Jørn As­t­r­up Han­sen – kann skriva á sítt cv, at hann hev­ur stjór­n­að tveim­um før­oysk­um bankum, tað sigur ikki so lítið.
Men avbjóðingin er stór. Eik Banki skal nú fóta sær sum ein før­oysk­ur banki í Før­oy­um. Brent barn ræð­ist eld –?og nýggju eig­ar­ar­nir tykj­ast ongan áhuga hava í at hugsa um at stovna deildir uttanlands.
Ofta verður TF Holding borið sam­an við gamla Eik Banka og Eik Grunn­in, tí at felagið er so fløkt sam­an­skrúv­að, at tey somu fólkini sita báðu meg­in borðið og taka av­gerð­ir­nar. Valið til umboðsráðið verð­ur gjørt so fløkt og innviklað, at fólk ikki tíma at at­kvøða, og tí verð­ur tað eitt sjálv­tøk­u­borð hjá tí val­evn­i­num, sum hevur best atgongd til at fáa Trygg­ing­ina at senda út at­kvøð­u­seðl­ar til sínar stuðlar.
Hetta er ein ódemokratisk skip­an, sum eing­in mod­ern­að fyr­­­i­tøka kann hava. Sjálv­­sagt átti felagið at sent øllum trygg­ing­ar­tak­ar­u­num – øll­um eig­ar­u­num, hvør sín at­kvøð­u­seð­il. Alt ann­að er hykl! Trygg­in­g­ar­fel­ag­ið má tí broyta seg, so hetta skurvuta image ikki smittar niður til nýggja Eik Banka.
Men tað er gott og spennandi, at bankin fær eina góða og roynda leiðslu, og higani ynskja vit Súna Schwartz Jacobsen hepna hond og góðan byr!