Men í vikuskiftisblaðnum lósu vit eisini um, hvussu landið á hin bógvin heldur fast um eina margháttliga skipan í fiskivinnuni, har summi vinnulívsfólk fáa tilfeingi ókeypis, sum tey so kunnu selja av landinum til útlendingar, sum fara við øllum vinninginum – meðan ein føroysku strámaður verður lívgaður á onkran hátt.
Dømið um tað var skomminum við garnabátinum Anitu.
Skipanin, vit hava, elvir eisini til, at tað loysir seg betur hjá skipaeigara at fara úr vinnuni við at selja skip pluss loyvi víðari og taka allar pengarnar úr vinnuni.
So er spurningurin, hví menn við ávirkan sum til dømis Alfred Olsen og Jacob Vestergaard halda so fast um hesa »órættvísu« skipan.
Argumentini hjá Kára Petersen, búskaparfrøðingi, í Vikuskiftisblaðnum fyri at broyta skipanina eru, at við verandi skipan kann tann, sum fær hendan einkarrætt, taka yvirskotið úr vinnuni og brúka tað, sum honum lystir. Hann vísir á, at hetta yvirskot er ónormalt og skapar onga virðisøking í fiskivinnuni – og tað heldur hann vera tann stóra fíggjarpolitiska feilin.
Hann vísir á, at landið ikki verður fær tað betri av, at einstakar fyritøkar hava risastór yvirskot og lýsir hetta sum búskaparliga skandalu.
Sjónarmiðið um, at landið í staðin selur loyvini og gevur pengarnar útaftur sum skattalætta er áhugavert. Ella at pengarnnir verða brúktir til at skapa aðrar vinnur. Ein generellur skattalætti hevði gjørt Føroyar meira kappigarførar.
Tí hetta sjónarmið sigur eisini, at vit í løtuni geva fiskivinnuni 500 milliónir um árið í óbeinleiðis stuðuli til fiskivinnuna, sum ikki skapar nakran vøkstur. Virði í fiskivinnuni verður ikki størri – men einstakir persónar gerast sera ríkir.
Tað tykist, sum um sjónarmiðið um tilfeingisgjald fær fastatøkur millum politikarar – eisini á borgarliga veinginum. Men enn eru vit ikki komin har til, at vit seta veiðirættindini til sølu og selja tey fyri tann prísin, tey eru verd. Landsins leiðsla ynkir heldur, at einstakir reiðarar skulu kunna selja hesi rættindi víðari til útlendingar og skora hundraðtals milliónir, sum vit hava sæð dømi um. Tað hevði verið ynskiligt at førdi politikkurin setti landið og fólkið í fokus.
