Í dag gevur Guðrið Hansdóttir sítt næsta staklag út frá komandi útgávuni “Gult myrkur”, sum kemur út 22.apríl.
Og hesaferð er talan um eina duett við Guðrið og Eivør Pálsdóttir.
Lagið “Træ” snýr seg um ósemjur og trætur, sum kunnu stinga seg upp í einum parlagi. Lurtarin fær eina ímynd av at vera høgt uppi í einum træ, sum bara veksur. Men tá ein endiliga hómar havsbrúnna, fellur træið og tú fellur við.
Lagið hevur Guðrið skrivað og orðini eigur Lív Maria Róadóttir Jæger. Mikael Blak, Janus Rasmussen og Sakaris Emil Joensen framleiddu lagið saman, og tað er Tróndur Bogason, sum stóð fyri streingjaútsetingum.
Um lagið sigur Guðrið sjálv, at tað var sera læruríkt og ein stór uppliving at arbeiða saman við Eivør í studionum, og hon heldur, at lagið hevur fingið ein heilt serligan dynamikk og stemning, við at hava tvær kvinnurøddir í fokus.
Lurtið eftir lagnum her: https://www.youtube.com/watch?v=eXTUym0hZQ8
