Skrásetingarnar eru gjørdar í summar. Tjóðsavnið skrivar, at tveir plantufrøðingar úr Týsklandi, Oliver Bechberger og Ruben Clemens vóru við Tjóðsavinum í Koltri í juli í ár. Meðan teir vitjaðu oynna, skrásettu teir fimm nýggj plantusløg og áleið sjey sløg av mosa fyri Koltur. Tað eina plantuslagið, sum var skrásett, var enntá eitt nýtt slag fyri Føroyar: Juncus ranarius, froskasev.
Talan er um eitt undangonguslag, við eginleikum at rótfesta seg í órógvaðum økjum sum hava høga mongd av vætu. Í Koltri var plantan funnin á sanduttu blettunum niðri í fjøruni, og eisini í veitunum rundanum bygg veltuna.
##med2##
