Sum hin fyrsti bankin í ríkinum gevst Nykredit við negativu innlánsrentunum.
Í tíðindaskrivi í dag skrivar Nykredit, at bankin hevur valt at seta innlánsrentuna upp til 0,00 prosent fyri privatkundar.
Harvið skalt tú sum privatkundi í Nykredit ikki longur gjalda fyri at hava meira enn 100.000 krónur standandi í bankanum.
Avgerðin hjá Nykredit kemur, eftir at fyrst Evropiski Miðbankin ECB og síðani Tjóðbandkin í gjár hækkaðu rentur sínar.
Í Tjóðbankanum eru rentan hækkað við 0,50 prosentum til minus 0,10 prosent.
Sjálvt um rentan framvegis er negativ í Tjóðbankanum, sum er bankin hjá øllum bankum í kongaríkinum Danmark, so hevur Nykredit kortini valt at fara allan vegin og seta innlánsrentuna til null.
– Við seinastu javningini hjá Tjóðbankanum og aðrari javning, sum er á veg í september, hava vit í Nykredit gjørt av, at nú steðga negativu innlánsrenturnar hjá privatkundum.
– Tí bjóða vit longu 22. juli privatkundum eina innlánsrentu upp á null prosent, sigur Henrik Rasmussen, stjóri í Nykredit, sambært Ritzau.
Tað eru somu viðurskifti galdandi fyri danskar og føroyskar bankar, men enn er einkif rætt um rentubroytingar í føroysku bankunum.
