Kendi tónleikarin, yrkjarin og tónasmiðurin í Klaksvík, Steintór Rasmussen, hevur yrkt ein nýggjan sálm, og tað gjørdi hanní sambandi við at ein abbadóttir varð borin til dópin.
Hann skrivar soleiðis:
Tá ið andin kemur yvir ein ...
Skrivaði orðini og lagið, tá ein abbadóttir varð borin til dópin.
“Av øllum tí góða sum Guð hevur gjørt” er heitið á nýggjum barnasálmi, sum eg fegin deili við tykkum í dag.
Takk til tykkum øll, sum hava gjørt hendan sangin til veruleika. Og ein hjartalig heilsan til øll børn í Føroyum. Góða hvítusunnu kæru føroyingar.
##med2##
Orð og lag: Steintór Rasmussen
Sangur: Anna Lovisa Mýri
Klaverspæl: Tummas Pauli Mýri
Strúkarar: Ingi Isaksen
Upptikið og ljóðblandað: Erik Biskopstø
Filmað, klipt og sett saman: Eyðbjørn Jacobsen
Av øllum tí góða, sum Gud hevur gjørt
Ert tú ein gáva eitt undur so stórt
Eg trúgvi ein eingil vil vera hjá tær
Sum hoyrir títt hjarta og veit at tað slær
-
Av øllum tí vakra, sum Gud hevur gjørt
Ert sólin á himli, sum lýsa vil bjørt
Hendurnar smáu tú rættir mót ský
Tú tendrar eitt ljós í tí myrkastu tíð
-
Tey smáu hann biður koma til sín
Á himli og Jørðini viljin er tín
Kærleikin trúgvin og vónin so sterk
Takk fyri lívið títt skapanarverk
-
Av øllum kæra, sum finst her á fold
Tað lívið vit fingu úr vøggu í mold
Signa mær dagin ver tryggasta havn
Barnanna vinur mítt dýrasta navn
-
Tøkk til starvsfólk og børn í Snjallubjallu og foreldur
