Ny Alliance hevur nú savnað tær 20.000 undirskriftirnar, sum eru neyðugar, fyri at flokkurin kann stilla upp til fólkatingsval. Fyrrapartin vóru Naser Khader og onnur umboð fyri Ny Alliance í innanríkisráðnum í Keypmannahavn við teimum 20.000 undirskriftunum.
Sostatt kann flokkurin nú stilla upp til næsta fólkatingavalið, og í morgin fer flokkurin at taka støðu til, hvønn bókstav hann skal brúka í sambandi við uppstilling.
Umframt Naser Khader vóru Anders Samuelsen, Gitte Seeberg og Leif Mikkelsen í innanríkisráðnum við undirskriftunum.
