Á samkomuni helt Heðin Mortensen, borgarstjóri, røðu, og hann greiddi millum annað frá, at vit hava havt svimjihøll í fleiri enn 40 ár, men vit skifta ikki ofta leiðarar.
– Fyrst var Ivan Carlsen, so Heri á Lava og so kom Gunnar Streymoy.
Hann greiddi frá, at svimjihøllin hevur umleið 160.000 vitjandi um árið. Tann harða kjarnan eru tó morgunfrúurnar – vit hava sjálvandi eisini nakrar morgunmenn – og so er tað okkara trúfasta Havnar Svimjifelag.
Nú eru vit so komin hartil, at svimjihøllin er vorðin ov lítil, vit byggja nýtt og ganga sera spennandi tíðum á møti.
- Vit hava havt eitt sera gott samsarv við Gunnar. Hann hevur eisini sitið í bygginevndini fyri nýggja langhylin, so hann hevur sostatt eisini verið við til at skipa framtíðina innan svimjing. Gunnar byrjaði í starvinum 16. februar 2009, hann hevur sostatt verið í starvi góð 13 og eitt hálvt ár, segði Heðin Mortensen millum annað.
##med2##
##med3##
##med4##
##med5##