Einir 3000 føroyingar fáa nú eina rokning frá Taks. Orsøkin er, at teir hava goldið ov lítið í eftirløn í fjør.
Men tað fáa teir nú eina rokning fyri, og tilsamans skulu teir rinda 6,7 milliónir krónur.
Tey flestu, sum hava goldið ov lítið, eru fólk við B-inntøku, ið tey ikki hava goldið eftirløn av.
- Talan kann vera um inntøku úr útlandi, um inntøku av egnum virki ella frá húsaleigu.
Eftir lógini skal eftirløn rindast av allari slíkari inntøku, sigur Taks. Í fjør skuldi 1 prosent av allari inntøku rindast í eftirløn.
Tá ið tey hava goldið rokningina, tekur Taks eftirlønarskattin av, og flytir restina á eftirlønarkontuna hjá borgaranum.
