Eitt sum hevur eyðkent byrjanina av Effo-deildini í ár, er at tað eru komin óvanliga nógv reyð kort teir fyrstu dystirnar.
Longu aftaná 4 umfør, vóru 10 reyð kort komin hetta kappingarárið, og tann gongdin hevur hildið fram.
Aftaná 12 umfør, eru heili 23 reyð kort komin í Effo-deildini higartil í ár, og er tað eitt fleiri enn samanlagda talið fyri reyð kort í fjør, sum var 22 reyð kort.
Tað skal tó viðmerkjast, at talið av reyðum kortum í fjør, er tað lægsta talið hesi seinastu 10 árini.
Niðanfyri ber til at síggja hvussu nógv reyð kort eru komin samanlagt eftir kappingarárið, tey seinastu 10 árini.
Hægsta talið fyri reyð kort í einum kappingarárið, var í 2006, tá heili 47 reyð kort vóru givin.
Hagtøl frá 2015 til 2005, sambært faroesoccer.com:
2015: 23 reyð kort eftir 12 umførum
2014: 22 reyð kort
2013: 33 reyð kort
2012: 35 reyð kort
2011: 33 reyð kort
2010: 27 reyð kort
2009: 36 reyð kort
2008: 28 reyð kort
2007: 37 reyð kort
2006: 47 reyð kort
2005: 25 reyð kort
