Ísak Vedelsbøl og liðfelagarnir í Sävehof ferðaðust í dag til Eskilstuna fyri at spæla dyst móti Guif í bestu svensku hondbóltsdeildini.
Tað gekk framúr væl. Sävehof vann stórsigur 37-24. Sävehof gjørdi arbeiðið mest sum liðugt í fyrra hálvleiki, tí í steðginum vóru teir frammanfyri við 11 málum, 20-9.
Ísak fekk tríggjar málmøguleikar, og hann setti tveir teirra í netið.
Sävehof er á áttanda plássinum, ið við lokið endaspæl gevur atgongd til endaspælið. Har hevur Sävehof fimm stig fyri seks dystir.
Mikukvøldið klokkan 18.45 verður grannauppgerð í høllini í Partille. Tá kemur Önnered á vitjan.
