- Vit eru eitt av heimsins ríkastu londum. Almenna skuldin er lág, og vit hava eitt vælment samfelag á øllum økjum. Tí hava vit í Føroyum eisini bestu fyritreytir fyri at fáa búskapin á beint.
Tað sigur Ruth Vang, forkvinna í Framsókn og landsstýriskvinna í fíggjarmálum við VikuskiftisSosialin í dag.
Og hon leggur aftrat:
- Tað, sum krevst, er politikarar við ryggi, sum tora at taka røttu avgerðirnar – eisini tær minnu populeru. Nú er liðugt við at vera jólamaður á tingi, sigur Ruth Vang í einari størri samrøðu, sum kann lesast í VikuskiftisSosialinum í dag.
