Telefeløgini bæði kappast nú um munandi skjótari breiðbandshald til privatkundar
Mánadagin bjóðar Føroya Tele skjótari breiðbandshald. Størsta haldið er meira enn tvífalt so skjótt sum skjótasta haldið í dag – skjótasta ferðin er upp til 50 Mbit.
– Við nýggju haldunum nøkta vit tørvin hjá stórbrúkaranum. Serliga tað at síggja filmar umvegis internetið hevur kollvelt nýtsluna, og tí er kravið hægri ferð, um góðskan skal vera á einum høgum støði, sigur Jan Mortensen, privatkundastjóri á Føroya Tele.
Breiðbandshaldini, sum Føroya Tele bjóðar privatkundum, eru nú:
10/1 Mbit sum kostar 449 krónur
20/2 Mbit sum kostar 479 krónur
40/4 Mbit sum kostar 499 krónur
50/5 Mbit sum kostar 529 krónur
Nýggi stjórin á Føroya Tele, Jan Ziskasen, sigur í tíðindaskrivinum frá Frøoya Tele, at hetta tilboðið er eitt fet inn í framtíðina, har tey lækka prísin og skrúva ferðina upp. Hann hevur búð í USA og har sæð eina skjóta og stóra menning innan fjarskifti.
– Tær fyritøkur, sum ikki megna at fylgja rákinum, hvørva, sigur hann.
