- Æltanin er, at spælararnir kunnu fara í summarferiu og vita hvør nýggi venjarin er, sigur Eyðstein Skipanes, ítróttarstjóri í NSÍ.
Ábraham Løkin gevst í starvinum sum venjari hjá NSÍ eftir dystin í kvøld. Tí skal felagið hava nýggjan venjara til seinnu hálvu. Einki navn hevur verið sett í samband við starvið, men í NSÍ vilja tey hava spurningin avgreiddan sum skjótast.
- Vónandi verður nýggi venjari settur fyrst í næstu viku sigur, Eyðstein Skipanes.
Tað eru fleiri venjarar við A-venjaraprógvinum í Føroyum, sum eru uttan venjarastarv í løtuni. Millum teirra kunnu nevnanst Heðin Askham, Bill M. Jacobsen, Páll Gudlaugsson, Kári Reynheim, Sigfríður Clementsen, Jens Martin Kundsen og Trygvi Mortensen.
- Vit hava ikki sett navn á nýggja venjaran, men vit vóna at tað kemur upp á pláss sum skjótast. Fleiri venjara hava bjóðað seg fram, bæði úr Føroyum og aðrastaðni frá, sigur Eyðstein Skipanes víðri.
Landskappingin fer í summarferiu eftir dystirnar í kvøld.
Effo-deildin 15.umfar í kvøld:
ÍF-KÍ: Dagfinn Forná kl. 19.00
Víkingur-HB: Alex Troleis kl. 19.00
B36-07Vestur: Petur Reinert kl. 17.30
AB-NSÍ: Ransin N. Djurhuus kl. 19.30
TB-EB/Streymur: Eiler Rasmussen kl. 20.30
Støðan undan 15. umfari
1. HB 31(Stig)
2. ÍF 24
3. EB/Streymur 22
4. B36 20
5. NSÍ 20
6. KÍ 19
7. TB 16
8. Víkingur 16
9. AB 9
10. 07Vestur 7
